கோயம்பேடு சந்தையில் விற்பனை மந்தம்: வியாபாரிகள் வேதனை

ஆயுத பூஜை பண்டிகைக்கு தேவைப்படும் பொருட்கள் கோயம்பேடு சந்தையில் குவிந்துள்ள நிலையில், விற்பனை மந்தமாக இருப்பதாக வியாபாரிகள் தெரிவித்துள்ளனர்.

ஆயுத பூஜை விழா நாளை நாடு முழுவதும் சிறப்பாக கொண்டாடப்பட உள்ளது. இதற்காக சென்னை கோயம்பேடு மொத்த சந்தையில் வாழைப்பழம், வாழை இலை, பூசணிக்காய், பூ, பழம், தோரணம், பொறி உள்ளிட்ட பொருட்கள் விற்பனைக்காக குவிக்கப்பட்டுள்ளன. அதிகாலை முதலே இவற்றை வாங்க மக்கள் வந்த வண்ணம் உள்ளனர். பூக்கள் வரத்து அதிகமாக இருப்பதால், விலை குறைவாகவே விற்கப்படுகிறது. எனவே, பூ, பழம், பொறி ஆகியவற்றின் விற்பனை மந்தமாக இருப்பதாக வியாபாரிகள் தெரிவித்துள்ளனர். இதனால், எதிர்பார்த்த அளவு லாபம் கிடைக்காது என்று அவர்கள் வேதனை தெரிவித்துள்ளார்.