ஜார்கண்ட் மாநில சட்டமன்ற முதற்கட்ட தேர்தலில் 62.87% வாக்குப்பதிவு

ஜார்கண்ட் மாநில சட்டமன்ற முதற்கட்ட தேர்தலில் 62.87 சதவீத வாக்குகள் பதிவாகி உள்ளன.

ஜார்கண்ட் மாநிலத்தில் மொத்தமுள்ள 81 தொகுதிகளில், 5 கட்டங்களாக வாக்குப் பதிவு நடைபெறுகிறது. அனைத்து வாக்குகளும் வரும் 23 ஆம் தேதி எண்ணப்பட்டு முடிவுகள் அறிவிக்கப்படும். முதற்கட்டமாக நேற்று, 13 தொகுதிகளுக்கு வாக்குப்பதிவு நடைபெற்றது. வாக்குப்பதிவுக்காக 3 ஆயிரத்து 906 வாக்குச்சாவடிகள் அமைக்கப்பட்டன. நக்சல் அச்சுறுத்தல் உள்ள பகுதிகளில் பலத்த பாதுகாப்பு போடப்பட்டிருந்தது. வாக்குப்பதிவு மையங்கள் அனைத்தும் வீடியோ பதிவு செய்யப்பபட்டது. மாலை 6 மணியுடன் நிறைவடைந்த முதற்கட்ட தேர்தலில் 62.87 சதவீத வாக்குகள் பதிவானது. பாதுகாப்பு காரணங்களுக்காகவும், நக்சல் பிரச்சனை காரணமாகவும் இந்த தேர்தல் ஐந்து கட்டங்களாக நடைபெறுவது குறிப்பிடத்தக்கது.