தஞ்சையில் ஓய்வு பெற்ற மின்வாரிய அதிகாரி வீட்டில் 25 சவரன் மற்றும் ஒன்றரை கிலோ வெள்ளி பொருட்களை மர்ம நபர்கள கொள்ளையடித்து சென்றுள்ளனர்.
தஞ்சாவூர் மருத்துவக்கல்லூரி சாலையில் உள்ள, முனிசிபல் காலனி 4வது தெருவில் வசித்து வருபவர், ஓய்வுபெற்ற மின்வாரிய உதவி செயற் பொறியாளர் கண்ணன். வீட்டினுள் கண்ணன் தனது மனைவி மகனுடன் உறங்கிக் கொண்டிருக்கும் போது, பின்பக்க கதவை உடைத்து உள்ளே நுழைந்த மர்மநபர்கள், 25 சவரன் மற்றும் ஒன்றரை கிலோ வெள்ளி பொருட்களை கொள்ளையடித்துச் சென்றுள்ளனர். தகவலறிந்து சம்பவ இடத்திற்கு, மோப்ப நாய் மற்றும் கைரேகை நிபுணர்கள் உடன் வந்த தஞ்சை மருத்துவக்கல்லூரி போலீசார், வழக்கு பதிவு செய்து விசாரணை மேற்கொண்டு வருகின்றனர்.
Discussion about this post