மல்லிகை பூ பயிரிடுபதால் நல்ல லாபம்- விவசாயிகள்

மல்லிகை பூ பயிரிட்டால் நல்ல லாபம் கிடைப்பதாக மகிழ்ச்சி தெரிவிக்கின்றனர் திருவண்ணாமலை மாவட்டத்தில் உள்ள மங்கலம் புதூர் விவசாயிகள்.

கீழ்பென்னாத்தூர் அடுத்த மங்கலம் புதூர் கிராமத்தில் பெரும்பாலான விவசாயிகள் மல்லிகை பூ பயிர் பயிரிடுவதால் நல்ல லாபம் பெற்று வருகின்றனர். நிலத்தில் 5 அடி இடைவெளி விட்டு மல்லிச் செடி நடப்பட்டு 1 வருடத்திற்குப் பிறகு பூ வரத் தொடங்கி விடுகிறது. இதற்கு குறைந்த தண்ணீர், உரம் இருந்தால் போதுமானது. இரண்டு வாரத்திற்கு ஒரு முறை பூச்சி மருந்து பயன்படுத்தி வருகின்றனர். 1 நாளைக்கு 50 சென்ட் நிலத்தில் 7 கிலோ முதல் 12 கிலோ பூ வரை கிடைப்பதாக விவசாயிகள் கூறுகின்றனர்.