ஐபிஎல் : டெல்லியை வீழ்த்தி ஐதராபாத் அணி வெற்றி

ஐபிஎல் தொடரின் நேற்றைய ஆட்டத்தில் டெல்லி அணியை ஐதராபாத் அணி 5 விக்கெட் வித்தியாசத்தில் வீழ்த்தி வெற்றி பெற்றது. நடைபெற்று வரும் 12 ஆவது ஐபிஎல் தொடரின்16 ஆவது லீக் போட்டியில் டெல்லி கேப்பிடல்ஸ் அணியும், சன்ரைசர்ஸ் ஐதராபாத் அணியும் மோதின. இதில் டாஸ் வென்ற ஐதராபாத் அணி பந்து வீச்சை தேர்வு செய்தது. இதனையடுத்து களம் இறங்கிய டெல்லி அணி தொடக்கம் முதலே மோசமான ஆட்டத்தை வெளிப்படுத்தியது, அந்த அணியின் கேப்டன் ஸ்ரெயாஸ் ஐயர் மட்டும் அதிகபட்சமாக 41 பந்துகளில் 43 ரன்கள் எடுத்தார். மற்ற வீரர்கள் அனைவரும் சொற்ப ரன்களில் வெளியேற அந்த அணி 20 ஓவர்கள் முடிவில் 129 ரன்களை மட்டுமே எடுத்தது.

இதனை தொடர்ந்து களமிறங்கிய ஐதராபாத் அணியின் நிதானமான ரன் குவிப்பில் ஈடுபட்டது. இந்த அணியில் தொடக்க ஆட்டக்காரர் ஜானி பெர்ஸ்டோ 28 பந்துகளில் 48 ரன்களை எடுத்து வெற்றிக்கு வித்திட்டார். 18.3 ஓவரில் ஐதராபாத் அணி 5 விக்கெட்டுகளை இழந்து வெற்றி பெற்றது . இந்த வெற்றியின் மூலம் ஐதராபாத் அணி 6 புள்ளிகளுடன் பட்டியலில் முதல் இடத்தில் உள்ளது.