சென்னை சேப்பாக்கத்தில் ஞாயிற்றுக்கிழமை நடைபெறவுள்ள ஐ.பி.எல் போட்டிக்கான டிக்கெட்டுகளை வாங்க ரசிகர்கள் கூட்டம் அலைமோதியது. ஐ.பி.எல் போட்டி துவங்கியுள்ள நிலையில் சென்னை சேப்பாக்கத்தில் நேற்று முன்தினம் பெங்களூரு ராயல் சேலஞ்சர்ஸ் மற்றும் சென்னை சூப்பர் கிங்ஸ் அணிகள் மோதின. இதில் 7 விக்கெட்டுகள் வித்தியாசத்தில் சென்னை சூப்பர் கிங்ஸ் அணி வெற்றி பெற்றது.
இதைதொடர்ந்து சென்னையில் வரும் ஞாயிற்றுக்கிழமை சென்னை சூப்பர் கிங்ஸ் மற்றும் ராஜஸ்தான் ராயல்ஸ் அணிகள் மோதுகின்றன. இந்தப் போட்டியை காண்பதற்காக ரசிகர்கள் ஆவலுடன் காத்துள்ளனர். இந்தப் போட்டிக்கான டிக்கெட் விற்பனை இன்று நடைபெற்றது.
டிக்கெட்டுகளை வாங்குவதற்காக தமிழகத்தின் பல்வேறு மாவட்டங்களில் இருந்து ஏராளமான கிரிக்கெட் ரசிகர்கள் விடிய விடிய மைதானத்தின் வெளியில் வரிசையில் காத்திருந்தனர். கூட்டம் அதிகளவில் இருந்ததால் போலீசார் பாதுகாப்பு பணியில் ஈடுபடுத்தப்பட்டனர்.
Discussion about this post