இங்கேம் இங்கேம் இங்கேம் காவலே பாடல் நாயகன் விஜய் தேவரகொண்டவின் அடுத்த படம் "டாக்ஸிவாலா" ட்ரைலர் வெளியீடு.

இங்கேம் இங்கேம் இங்கேம் காவலே என்கிற பாடலை 100 மில்லியன் பார்வையாளருக்கு மேல் வலைத்தளங்களில் பெருமளவு பார்க்கவைத்த தெலுங்கு நடிகர் விஜய் தேவரகொண்டவின் அடுத்த படம் விரைவில் திரைக்கு வருகிறது. அதன் முன்னோட்டமாக படத்தின் ட்ரைலர் வெளியிடபட்டுள்ளது. அந்த படத்தின் பெயர் “டாக்ஸிவாலா” என்று வைக்கப்பட்டுள்ளது.

படத்தின் ஆரம்பத்தில் கதாநாயகன் விஜய் தேவரகொண்ட ஒரு நிறுவனத்தில் வாசலில் வரவேற்பு பணியினை செய்வது போலவும், அதன் பிறகு மிகவும் கஷ்டப்பட்டு ஒரு பழைய கார் ஒன்றினை வாங்குகிறார். அந்த கார் பார்ப்பதற்கு மிகவும் ஸ்டைலாக உள்ளது. அந்த காரின் மூலமே கதாநாயகனின் வாழ்வில் மகிழ்ச்சி, கொண்டாட்டம் என காட்சி அமைப்பு வைக்கப்பட்டுள்ளது. இறுதியில் அந்த காரிலேயே பேய் இருப்பதாக தெரிகிறது.
யார் அந்த பேய்?
பேய் ஏன் அந்த காரில் இருக்கிறது?
பேய் யாரை பழிவாங்க போகிறது?
என்கிற கேள்விக்கெல்லாம் விடை இப்படம் திரைக்கு வந்தால் தான் தெரியும்.

எஸ்.கே.என் தயாரிப்பில் உருவான டாக்ஸிவாலா படத்தில் விஜய் தேவரகொண்ட, பிரியங்கா சவால்கர், மாளவிகா நாயர் முக்கிய கதாபாத்திரத்தில் நடித்துள்ளனர். ஜாப்ஸ் பேஜோய் இசை அமைத்துள்ளார். ராகுல் சங்கரியன் படத்தை இயக்கியுள்ளார்.

தமிழில் சமீப காலமாக நகைச்சுவை கலந்த திகில் படங்கள் வெற்றிப்பெற்றுள்ளன. இதே ஜானரில் டாக்ஸிவாலா படமும் இருப்பதால் இந்த படத்தின் மீது சினிமா ரசிகர்களிடம் ஆவல் அதிகரித்துள்ளது.