12ம் வகுப்பு தாவரவியல் பாடப் புத்தகத்தில் நெல் ஜெயராமன் குறித்த தகவல்கள்

12ம் வகுப்பு தாவரவியல் பாடப் புத்தகத்தில் இயற்கை விவசாயி நெல் ஜெயராமன் குறித்த தகவல்கள் இடம் பெற்றுள்ளன.

திருவாரூர் மாவட்டத்தை சேர்ந்தவர் நெல் ஜெயராமன். விவசாயத்தை மேம்படுத்துவதிலும், பாரம்பரிய நெல் ரகங்களை பயிரிடுவதிலும் இவரது பணி சிறப்பாக அமைந்தது. இவரது விவசாயம் சார்ந்த பணிகள் மற்றும் செயல்கள் அனைத்தும் மற்ற விவசாயிகளுக்கு பாடமாக அமைந்தது. இந்த நிலையில், 2011ம் ஆண்டு இவர் சிறந்த இயற்கை விவசாயத்திற்கான மாநில விருதைப் பெற்றது, 2015ஆம் ஆண்டு சிறந்த மரபணு பாதுகாப்பாளர் என்ற தேசிய விருது பெற்றது போன்ற விவரங்கள் 12ம் வகுப்பு தாவரவியல் பாடத்திட்டத்தில் இடம்பெற்றுள்ளன. தமிழக அரசின் இந்த நடவடிக்கைக்கு பல்வேறு அமைப்பினரும் வரவேற்பு தெரிவித்துள்ளனர்.