இந்திய கிரிக்கெட் அணியின் கேப்டன் விராட் கோலி 79 டெஸ்ட் போட்டிகளில் விளையாடி உள்ளார். மொத்தமாக 6,749 ரன்கள் குவித்துள்ள அவர், 25 சதம் மற்றும் 22 அரை சதம் அடித்துள்ளார். மேலும், டெஸ்ட் போட்டிகளில் சராசரி 53.14 வைத்துள்ளார். தற்போது, உலக டெஸ்ட் சாம்பியன்ஷிப்புக்காக தனது அணியை வழிநடத்தி செல்கிறார்.
இந்நிலையில், இந்தியா-தென்னாப்பிரிக்கா அணிகளுக்கு இடையேயான முதல் டெஸ்ட் போட்டி விசாகாப்பட்டினத்தில் நேற்று தொடங்கியது. முதல் இன்னிங்சில் விளையாடிய இந்திய அணி, 502 ரன்கள் குவித்த நிலையில் டிக்ளேர் செய்தது.
இந்நிலையில், டெஸ்ட் போட்டி தொடங்குவதற்கு முன்னதாக, இந்திய அணி கேப்டன் விராட் கோலி, தன் மீது அதிக அன்புக்கொண்ட தீவிர ரசிகர் ஒருவரை கட்டிப்பிடித்து மகிழ்ச்சியை வெளிப்படுத்தினார். உடல் முழுவதும் விராட் கோலியின் உருவத்தை பச்சையாக குத்தியுள்ள அந்த ரசிகர், விராட் கோலியின் சாதனைகளையும், ஜெர்சியில் பொறிக்கப்பட்டுள்ள நம்பரையும் பச்சையாக குத்தியுள்ளார்.