ஆப்கானிஸ்தானுக்கு எதிரான போட்டியில் டாஸ் வென்ற இந்தியா பேட்டிங்

உலகக் கோப்பையில் ஆப்கானிஸ்தானுக்கு எதிரான போட்டியில், டாஸ் வென்ற இந்திய அணி பேட்டிங் செய்து வருகிறது.

இன்றைய 28-வது லீக் போட்டியில் இந்தியா – ஆப்கானிஸ்தான் அணிகள் விளையாடி வருகின்றன. கோலி தலைமையிலான இந்திய அணி, 3 போட்டிகளில் வெற்றி பெற்று, 7 புள்ளிகளுடன் பட்டியலில் 4-ம் இடத்தில் உள்ளது. விளையாடிய அனைத்து போட்டிகளிலும் தோல்வியடைந்த ஆப்கானிஸ்தான் அணி கடைசி இடத்தில் உள்ளது. இந்திய அணியில் காயம் காரணமாக புவனேஸ்வர் குமாருக்கு பதில், முகமது ஷமி அணியில் சேர்க்கப்பட்டுள்ளார். இன்றைய போட்டியில் டாஸ் வென்ற இந்திய அணி பேட்டிங்கை தேர்வு செய்தது. அதன்படி, துவக்க ஆட்டக்காரர்களாக ரோஹித் ஷர்மாவும், கே.எல். ராகுலும் களமிறங்கினர். ஆட்டத்தின் நான்காவது ஓவரில், ஒரு ரன் மட்டுமே எடுத்து, ரோஹித் ஷர்மா ஆட்டமிழந்து, ரசிகர்களுக்கு அதிர்ச்சி கொடுத்தார். இதைத் தொடர்ந்து களமிறங்கிய கேப்டன் கோலி, ராகுலுடன் இணைந்து ஆடி வருகிறார்.