இந்தியா – மேற்கிந்திய தீவு மோதும் முதலாவது ஒரு நாள் கிரிக்கெட் போட்டி !

இந்தியா, மேற்கிந்திய தீவு அணிகள் மோதும் முதலாவது ஒரு நாள் கிரிக்கெட் போட்டி கவுகாத்தியில் இன்று நடக்கிறது.

மேற்கிந்திய தீவுகள் அணி இந்தியாவில் சுற்றுப்பயணம் மேற்கொண்டுள்ளது. முதலில் நடந்த டெஸ்ட் தொடரை இந்திய அணி 2 க்கு பூஜ்ஜியம் என்ற கணக்கில் கைப்பற்றியது. இதனையடுத்து இந்தியா, மேற்கிந்திய தீவு அணிகள் இடையே 5 போட்டிகள் கொண்ட ஒரு நாள் தொடர் நடைபெறவுள்ளது.

இதன் முதலாவது ஆட்டம் அசாம் மாநிலம் கவுகாத்தியில் இன்று நடக்கிறது. டெஸ்ட் தொடரை மிக எளிதில் வென்ற இந்திய அணியினர் ஒரு நாள் தொடரிலும் ஆதிக்கம் செலுத்தும் முனைப்புடன் உள்ளனர்.

விராட் கோலி தலைமையிலான 12 பேர் கொண்ட இந்திய அணியின் வீரர்கள் பட்டியல் நேற்று வெளியிடப்பட்டது. டெஸ்ட் தொடரில் அறிமுகமாகி அசத்திய ரிஷாப் பான்ட் ஒரு நாள் போட்டியிலும் முதல்முறையாக அடியெடுத்து வைக்க உள்ளார்.

மேற்கிந்திய தீவு அணியை பொறுத்தவரை அனுபவமில்லாத வீரர்களுடன் களம் இறங்க உள்ளது. மதியம் 1.30 மணிக்கு தொடங்கும் போட்டி ரசிகர்களிடையே எதிர்பார்ப்பை ஏற்படுத்தியுள்ளது.