உலக கோப்பை கிரிக்கெட் : தவான் அசத்தல் சதம் – ஆஸ்திரேலியாவிற்கு 353 ரன்கள் இலக்கு

உலக கோப்பை கிரிக்கெட் தொடரின் 14 வது லீக் போட்டியில், இந்திய அணி ஆஸ்திரேலியாவிற்கு 353 ரன்கள் வெற்றி இலக்காக நிர்ணயித்துள்ளது. 12வது உலக கோப்பை கிரிக்கெட் தொடர் இங்கிலாந்தில் நடைபெற்று வருகிறது. இதன் 14வது லீக் போட்டியில், விராட் கோலி தலைமையிலான இந்திய கிரிக்கெட் அணி, ஆரோன் ஃபின்ச் தலைமையிலான ஆஸ்திரேலிய அணியை எதிர் கொண்டு வருகிறது. டாஸ் வென்ற இந்திய அணி முதலில் பேட்டிங்கை தேர்வு செய்தது. இதனையடுத்து களமிறங்கிய இந்திய அணியின் தொடக்க வீரர்கள் சிறப்பான தொடக்கத்தை அளித்தனர். இந்திய அணியின் தவான் சிறப்பாக ஆடி சதம் அடித்து அசத்தினார். . இறுதியில் இந்திய அணி நிர்ணயிக்கப்பட்ட 50 ஓவர்களில் 5 விக்கெட் இழப்பிற்கு 352 ரன்கள் எடுத்தது.