இந்தியா – தென் ஆப்பிரிக்கா அணிகளுக்கு இடையே 2-வது டி20 போட்டி

இந்தியா – தென் ஆப்பிரிக்கா அணிகளுக்கு இடையேயான 2ஆவது இருபது ஓவர் கிரிக்கெட் போட்டி, மொகாலியில் இன்று நடைபெறுகிறது.

இந்தியாவில் சுற்றுப்பயணம் மேற்கொண்டுள்ள தென் ஆப்பிரிக்கா அணி, 3 போட்டிகள் கொண்ட இருபது ஓவர், டெஸ்ட் மற்றும் ஒருநாள் தொடரில் விளையாடுகிறது. தர்மசாலாவில் கடந்த 15ஆம் தேதி நடைபெறுவதாக இருந்த முதல் இருபது ஓவர் கிரிக்கெட் போட்டி, கனமழையால் ரத்தானது. இந்த நிலையில், இரு அணிகளுக்கும் இடையேயான 2ஆவது இருபது ஓவர் கிரிக்கெட் போட்டி பஞ்சாப் மாநிலம் மொகாலியில் உள்ள மைதானத்தில் இன்று நடைபெறுகிறது.

இரவு 7 மணிக்கு போட்டி தொடங்குகிறது. இதற்காக இரு அணி வீரர்களும் தீவிர வலைப்பயிற்சி ஈடுபட்டனர். இன்றைய ஆட்டத்தில் வெற்றி பெற்று தொடரில் முன்னிலை பெற இரு அணி வீரர்களும் தீவிரம் காட்டுவார்கள் என்பதால், போட்டி ரசிகர்கள் மத்தியில் எதிர்பார்ப்பை ஏற்படுத்தி உள்ளது.