பவானிசாகர் அணைக்கு மழை காரணமாக நீர்வரத்து அதிகரிப்பு

பவானிசாகர் அணையின் நீர்பிடிப்பு பகுதிகளில் மழை பெய்துவருவதால் அணைக்கு நீர்வரத்து அதிகரித்துள்ளது.

ஈரோடு மாவட்டத்தின் முக்கிய நீராதாரமாக விளங்கும் பவானிசாகர் அணை, 32.8 டிஎம்சி கொள்ளளவு கொண்டதாகும். இதன் மூலம் ஈரோடு, திருப்பூர், கருர் ஆகிய மாவட்டங்களில் உள்ள 2 லட்சத்து 47 ஆயிரம் ஏக்கர் நிலங்கள் பாசன வசதி பெறுகின்றன. இந்நிலையில், பவானிசாகர் அணையின் நீர்பிடிப்புபகுதிகளான நீலகிரி மலைப்பகுதி மற்றும் வடகேரளாவின் ஒருசில பகுதிகளில், பரவலாக மழை பெய்து வருகிறது. இதனால், அணைக்கு நீர்வரத்து 2 ஆயிரத்து 301 கன அடியாக அதிகரித்துள்ளது. இன்றைய நிலவரப்படி, அணையின் நீர் இருப்பு 6.9 டிஎம்சி-யாக உள்ளது. குடிநீர் தேவைக்காக விநாடிக்கு 1000 கன அடியும், கீழ்பவானி வாய்க்காலில் குடிநீர் தேவைக்காக 5 கனஅடியும் என, மொத்தம் 1005 கனஅடி நீர் வெளியேற்றப்படுகிறது.