திருச்சி மாவட்டம் முசிறி மற்றும் அதன் சுற்றுவட்டாரப் பகுதிகளில் சூறாவளி காற்றுடன் பெய்த கனமழையால் ஏராளமான வாழை மரங்கள் அடியோடு சரிந்து சேதமடைந்துள்ளன. சிலை பிள்ளையார் புதூர், நத்தம் காட்டுப்புத்தூர், ஐனாபட்டி, ஆராய்ச்சிபட்டி உள்ளிட்ட பல்வேறு கிராமங்களில் சூறாவளி காற்றுடன் கூடிய கனமழை பெய்துள்ளது. இதன் காரணமாக அங்கு பல ஏக்கர் பரப்பளவில் பயிரிடப்பட்டு அறுவடைக்கு தயாராக இருந்த பல லட்சம் வாழை மரங்கள் அடியோடு சரிந்து சேதம் அடைந்தன.
மேலும், ஏராளமான மின் கம்பங்கள், வீடுகள் காற்றில் சரிந்துள்ளன. இந்த நிலையில், இழப்பு குறித்து ஆய்வு செய்து, நிவாரண உதவி வழங்க வேண்டும் என விவசாயிகள் அரசுக்கு கோரிக்கை விடுத்துள்ளனர்.
Discussion about this post