சமையல் எரிவாயு சிலிண்டர் லாரியில் பயங்கர தீ விபத்து!

ஒசூரில் சமையல் எரிவாயு சிலிண்டரில் ஏற்பட்ட கசிவால் லாரியில் பயங்கர தீ விபத்து ஏற்பட்டது.  கிருஷ்ணகிரி மாவட்டம் ஒசூர் அலசநத்தம் பகுதியில் சமையல் எரிவாயு சிலிண்டர்களுடன் லாரி சென்று கொண்டிருந்தது. அப்போது சிலிண்டர் ஒன்றில் எரிவாயு கசிவு ஏற்பட்டு லாரியில் தீப்பிடித்தது. இதைக்கண்டு அதிர்ச்சியடைந்த ஓட்டுநர் கீழே இறங்கிய நிலையில், லாரி முழுவதும் கொளுந்துவிட்டு எரிந்தது. பற்றி எரிந்த தீ அருகே நிறுத்தப்பட்டிருந்த இருசக்கர வாகனங்கள், ஆட்டோ மற்றும் கடைகளுக்கும் பரவியது. தகவலறிந்து வந்த தீயணைப்புத்துறை வீரர்கள் நீண்ட நேரம் போராடி தீயை கட்டுக்குள் கொண்டு வந்தனர்.