இலங்கையில் நிலத்தில் மறைத்து வைக்கப்பட்டிருந்த வெடிபொருட்கள் கண்டுபிடிப்பு

இலங்கையில் மட்டக்களப்பு, ஒல்லிக்குளம் முகாமில் நிலத்தில் மறைத்து வைக்கப்பட்டிருந்த துப்பாக்கி தோட்டாக்கள், வாள்கள், ஜெல்லட்டின் குச்சிகள், டெட்டனேட்டர்கள்ஆகிய வெடிபொருட்களை சி.ஐ.டி. அதிகாரிகள் கைப்பற்றினர்.

இலங்கையில் ஈஸ்டர் தினத்தின் போது நடைபெற்ற தாக்குதல் தொடர்பாக தீவிர விசாரணை நடைபெற்று வருகிறது. இந்த தாக்குதலின் பின்னணியில் உள்ளவராக கருதப்படும் சஹரானின் தங்குமிடமான மட்டக்களப்பு, ஒல்லிக்குளம் பகுதியில் சி.ஐ.டி. அதிகாரிகள் சோதனை நடத்தினர். இதில், ஜெல்லட்டின் குச்சிகள், எட்சோட் ரக வெடிமருந்து, துப்பாக்கி தோட்டாக்கள், வாள்கள் டெட்டனேட்டர்கள் போன்றவை கைப்பற்றப்பட்டன. இந்த சம்பவம் தொடர்பாக அதிகாரிகள் தொடர்ந்து விசாரணை நடத்தி வருகின்றனர்.