உத்தரப்பிரதேசம் அருகே இரவு முழுவதும் பலத்த மழை பெய்தது

உத்தரப்பிரதேச மாநிலம் மொரதாபாத்தில் பெய்த பலத்த மழையால் நகரின் பெரும்பாலான சாலைகளில் வெள்ளம் பெருக்கெடுத்து ஓடியது.

உத்தரப்பிரதேச மாநிலம் மொரதாபாத் நகரில் நேற்றுப் பலத்த மழை பெய்தது. இரவு முழுவதும் மழை நீடித்ததால் நகரின் பெரும்பாலான பகுதிகளில் சாலைகளில் வெள்ளம் பெருக்கெடுத்து ஓடியது. இதனால் தண்ணீரில் தத்தளித்தபடி வாகனங்கள் மெதுவாக ஊர்ந்து சென்றன. பல பகுதிகளில் மரங்கள் முறிந்ததாலும், மின்கம்பங்கள் சாய்ந்ததாலும் மின்சாரம் துண்டிக்கப்பட்டது. போக்குவரத்து பாதிப்பாலும் மின்சாரம் துண்டிக்கப்பட்டதாலும் மக்களின் இயல்பு வாழ்க்கை பாதிக்கப்பட்டது.