வெயிலில் வாடும் தொழிலாளர்களுக்கு குடை வழங்கி வாழ்த்து

வெயிலில் வாடும் தொழிலாளர்களுக்கு குடை, மற்றும் குளிர்பானம் வழங்கி, மே தின வாழ்த்து கூறிய காவல் உதவி ஆய்வாளரின் செயலுக்கு பொதுமக்கள் பாராட்டு தெரிவித்துள்ளனர்.

அரியலூர் காவல் நிலையத்தைச் சேர்ந்த உதவி ஆய்வாளர் சரவணன், வெயிலில் வாடும் செருப்பு தைக்கும் தொழிலாளர்களுக்கும், கூலித் தொழிலாளர்களுக்கும், சொந்த செலவில் குளிர்பானம் மற்றும் வணிக நிறுவனங்களின் குடை ஆகியவற்றை வழங்கி, மே தின வாழ்த்துகளைத் தெரிவித்தார். இதனை பெற்றுக்கொண்ட தொழிலாளர்கள் காவல் உதவி ஆய்வாளர் சரவணனுக்கு நன்றியை தெரிவித்தனர். காவல்துறையினரின் மனித நேயமிக்க செயல், அப்பகுதியினரிடையே வெகுவான பாராட்டுக்களை பெற்றது.