தங்கத்தின் விலை வரலாறு காணாத அளவிற்கு உயர்வு

தங்கத்தின் விலை வரலாறு காணாத அளவிற்கு உயர்ந்து 27 ஆயிரத்து 680 ரூபாய்க்கு விற்பனை செய்யப்பட்டு வருகிறது.

கடந்த சில நாட்களாக தங்கத்தின் விலை தொடர்ந்து உயர்ந்த வண்ணம் உள்ளது. இந்நிலையில் இன்று வரலாறு காணாத அளவிற்கு தங்கத்தின் விலை சவரனுக்கு 352 ரூபாய் அதிகரித்து 27 ஆயிரத்து 680 ரூபாய்க்கு விற்பனை செய்யப்படுகிறது. சென்னையில் ஆபரணத் தங்கத்தின் விலை கிராம் ஒன்றுக்கு 44 ரூபாய் அதிகரித்து 3 ஆயிரத்து 460 ரூபாய்க்கு விற்பனை செய்யப்படுகிறது. இதேபோல் வெள்ளி கிராம் ஒன்றுக்கு ஒரு ரூபாய் 30 காசுகள் அதிகரித்து, 45 ரூபாய் 80 காசுகளுக்கும், கிலோ ஒன்றுக்கு ஆயிரத்து 300 ரூபாய் உயர்ந்து 45 ஆயிரத்து 800 ரூபாய்க்கும் விற்பனை செய்யப்படுகிறது. காஷ்மீர் விவகாரத்தால் பங்கு சந்தைகளில் கடும் சரிவு ஏற்பட்டுள்ள நிலையில் தங்கம் விலையும் வரலாறு காணாத உச்சத்தினை எட்டியுள்ளது.