கடலூர் மாவட்டம் விருத்தாசலம் அருகே முகநூலில் அவதூறாக சித்தரிக்கப்பட்ட பதிவால் பெண் மற்றும் அவரது உறவினர் தூக்கிட்டு தற்கொலை செய்த சம்பவம் சோகத்தை ஏற்படுத்தியுள்ளது.
நெய்வேலியில் உள்ள குறவன்குப்பத்தை சேர்ந்த ராதிகா என்ற கல்லூரி மாணவி குறித்து அதேபகுதியை சேர்ந்த பிரேம்குமார் என்பவர் தனது முகநூலில் அவதூறான பதிவு செய்ததாக கூறப்படுகிறது. ராதிகாவின் மாமா விக்னேஷூடன் ஏற்பட்ட முன்விரோதம் காரணமாக இத்தகைய நடவடிக்கையில் அவர் ஈடுபட்டதாகவும் கூறப்படுகிறது.
இதனிடையே, முகநூல் பதிவால் மனமுடைந்த ராதிகா தூக்கிட்டு தற்கொலை செய்துள்ளார். இதைக்கேட்டு அவருடைய மாமா விக்னேஷூம் தற்கொலை செய்துள்ளார். இதுகுறித்து மந்தராகுப்பம் காவல்நிலையத்தில் புகார் அளித்த அவர்களது உறவினர்கள், குற்றவாளிகளை உடனடியாக கைது செய்ய கோரினர்.
ஆனால் விசாரணையில் தாமதம் ஏற்பட்டதாகக் கூறி விருத்தாச்சலம் -கடலூர் நெடுஞ்சாலையில் சாலை மறியலில் ஈடுபட்டனர். சாலை மறியலில் கற்கள் வீசப்பட்டத்தில், சிலருக்கு காயம் ஏற்பட்டது. இதனிடையே கற்களை வீசியர்கள் மீது நடவடிக்கை எடுக்கக்கோரி புகார் மனு அளிக்கப்பட்டுள்ளது.
Discussion about this post