இன்சுரன்ஸ் ஏஜென்டை கடத்திய கந்துவட்டி கும்பல்

கந்து வட்டி கும்பலால் இன்சுரன்ஸ் ஏஜெண்ட் கடத்தப்பட்ட சம்பவம் நாமக்கல்லில் பரபரப்பை ஏற்படுத்தியுள்ளது.

நாமகிரி பேட்டையை சேர்ந்தவர் இன்சுரன்ஸ் ஏஜென்ட் சிவபிரகாசம். இவர் கடந்த சில மாதங்களுக்கு முன்பு ஆட்டையாம்பட்டியை சேர்ந்த கந்துவட்டி கும்பலிடம் 6 லட்சம் பணம் வாங்கி வட்டியை சரியாக கொடுத்து வந்துள்ளார். இதனிடையே வறுமையின் காரணமாக சரியாக வட்டி கொடுக்க முடியவில்லை. இதனையடுத்து கந்துவட்டி கும்பல் இருசக்கர வாகனத்தில் சென்ற சிவபிரகாசத்தை அடித்து காரில் கடத்தியுள்ளனர். அப்போது அங்கிருந்த பொதுமக்கள் காவல்துறைக்கு தகவல் தெரிவிக்கவே, போலிசார் கந்துவட்டி கும்பலை பிடித்து சிவபிரகாசத்தை மீட்டனர். பின்னர் கடத்தல் சம்பவம் தொடர்பாக கந்துவட்டி கும்பலை சேர்ந்த 3 பேரை கைது செய்தனர். மேலும் தலைமறைவாக உள்ள 3 பேரை காவல்துறையினர் தேடி வருகின்றனர்.