பயங்கர ஆயுதங்களுடன் தொழிலதிபர் வீட்டில் கொள்ளை முயற்சி – 6 பேர் கைது

நாமக்கல்லில் தொழில் அதிபர் வீட்டில் கொள்ளையடிக்க முயன்ற 6 பேர் காவல் துறையினரால் கைது செய்யப்பட்டனர்.

நாமக்கல் மாவட்டம் சேந்தமங்கலத்தை அடுத்துள்ள பேளுக்குறிச்சி பகுதியில் 6 பேர் கொண்ட குழு கொள்ளையடிக்க திட்டமிட்டுள்ளதாக காவல் துறையினருக்கு ரகசிய தகவல் கிடைத்தது. அதன் அடிப்படையில், காவல் துறையினர் 5 தனிப்படைகள் அமைத்து ரோந்து பணியை மேற்கொண்டு வந்தனர்.

அப்போது அவ்வழியாக வந்த காரை நிறுத்தி சோதனையிட்ட போது, சந்தேகப்படும்படியான 6 பேர் கொண்ட கும்பல் பயங்கர ஆயுதங்களுடன் வந்தது தெரிய வந்தது. இதனையடுத்து பூமிநாதன், குருநாதன், சுதாகர், கலைப்புள்ளி ராஜா, தமிழரசன் ஆகியோர் தொழிலதிபர் வீட்டில் கொள்ளையடிக்க திட்டமிட்டிருப்பது தெரியவந்தது, இதனையடுத்து அவர்களை கைது செய்த காவல் துறையினர் அவர்களிடமிருந்து ஆயுதங்களை பறிமுதல் செய்து சிறையில் அடைத்தனர்.