டெல்லியில் அடுக்குமாடி குடியிருப்பில் பயங்கர தீ விபத்து: 6 பேர் பலி

டெல்லியின் ஜாகீர் நகரில் உள்ள அடுக்குமாடி குடியிருப்பு கட்டிடத்தில் திடீரென்று தீ விபத்து ஏற்பட்டது. தொடர்ந்து வேகமாக பரவிய தீயில் சிக்கி 6 பேர் பரிதாபமாக உயிரிழந்தனர். 11 பேர் பலத்த தீக்காயம் அடைந்த நிலையில், சிகிச்சைக்காக மருத்துவமனையில் அனுமதிக்கப்பட்டுள்ளனர். தகவலறிந்து 5க்கும் மேற்பட்ட வாகனங்களில் சம்பவ இடத்திற்கு விரைந்த தீயணைப்பு துறையினர், தீயை போராடி அணைத்தனர். தீ விபத்துக்கான காரணம் குறித்த தகவல் இதுவரை வெளியாகாத நிலையில், காவல்துறையினர் விசாரணை மேற்கொண்டு வருகின்றனர்.