குடிசை வீட்டில் ஏற்பட்ட தீ விபத்தில் முதியவர் உயிரிழப்பு

நாமக்கல்லில் குடிசை வீட்டில் ஏற்பட்ட தீ விபத்தில் 75 வயது முதியவர் தீயில் கருகி பரிதாபமாக உயிரிழந்தார்

நாமக்கல் மாவட்டம் எலச்சிபாளையத்தில் உள்ள தனது வீட்டில் பொன்மலை என்ற முதியவர் உறங்கிக் கொண்டிருந்தார். அப்போது எதிர்பாராதவிதமாக திடீரென்று அவரது குடிசை வீட்டில் தீப்பற்றியுள்ளது. மளமளவென பரவிய தீ அருகில் இருந்த ஆட்டு கொட்டகையிலும் பரவியுள்ளது. இந்த விபத்தில் 75 வயது முதியவரான பொன்மலை பரிதாபமாக உயிரிழந்தார். இவ்விபத்தில் 10 ஆடுகளும் இறந்தன. தகவலறிந்து வந்த திருச்செங்கோடு காவல்துறையினர் வழக்கு பதிவு செய்து விசாரணை மேற்கொண்டுள்ளனர்.