தெர்மாகோல் மேட் தயாரிக்கும் ஆலையில் பயங்கர தீ விபத்து

காஞ்சிபுரம் அருகே தனியார் ஆலையில் ஏற்பட்ட பயங்கர தீவிபத்தில் பல லட்சம் ரூபாய் மதிப்பிலான பொருட்கள் தீயில் எரிந்து நாசமாயின

காஞ்சிபுரம் மாவட்டம் மதுராந்தகம் அருகேயுள்ள வேடவாக்கத்தில் தெர்மாகோல் மேட் தயாரிக்கும் தனியார் ஆலை இயங்கி வருகிறது. இந்த ஆலையின் அருகே சேமித்து வைக்கப்பட்டிருந்த கழிவு பொருட்களில் திடிரென தீ பற்றி எரிந்தது. இதனால் ஆலையில் ஒரு பகுதி முழுவதும் தீயில் எரிந்து நாசமானது. சம்பவ இடத்திற்கு விரைந்து வந்த தீயணைப்புத்துறையினர் வந்து தீயை அணைத்தனர். விடுமுறை நாளில் தொழிலாளர்கள் யாரும் பணிக்கு வராததால் உயிர் சேதம் எதுவும் ஏற்படவில்லை. இந்த விபத்தில் பல லட்சம் ரூபாய் மதிப்பிலான பொருட்கள் தீயில் எரிந்து சாம்பலானது.