இடைத்தேர்தல் நடைபெற உள்ள 4 சட்டசபை தொகுதிகளுக்கான இறுதிவேட்பாளர் பட்டியல் இன்று வெளியாகிறது.
சூலூர், அரவக்குறிச்சி, திருப்பரங்குன்றம், ஒட்டப்பிடாரம் ஆகிய 4 தொகுதிகளுக்கும் மே 19ஆம் தேதி இடைத்தேர்தல் நடைபெறுகிறது. இதற்கான வேட்பு மனுத் தாக்கல் கடந்த 29 ம்தேதி நிறைவு பெற்றது. 256 மனுக்கள் தாக்கல் செய்யப்பட்ட நிலையில் 152 மனுக்கள் ஏற்றுக்கொள்ளப்பட்டுள்ளது. 104 மனுக்கள் நிராகரிக்கப்பட்டுள்ளது. சூலூர் தொகுதியில் 22 வேட்பு மனுக்களும், அரவக்குறிச்சியில் 68 மனுக்களும், திருப்பரங்குன்றத்தில் 44 மனுக்களும், ஒட்டப்பிடாரத்தில் 18 மனுக்களும் ஏற்கப்பட்டுள்ளது. இந்த நிலையில் 4 தொகுதிகளுக்கும் இறுதி வேட்பாளர் பட்டியல் இன்று மாலை வெளியாக உள்ளது. மாலை 3 மணி வரை வேட்பு மனுவை திரும்ப பெற அவகாசம் உள்ளதால் அதன்பிறகு இறுதி வேட்பாளர் பட்டியல் வெளியிடப்படுகிறது.
Discussion about this post