தென்பெண்ணை ஆற்றின் குறுக்கே அணை கட்ட விவசாயிகள் கோரிக்கை

தென்பெண்ணை ஆற்றின் குறுக்கே ஆலியாளம் பகுதியில் அணை கட்ட விவசாயிகள் கோரிக்கை விடுத்துள்ளனர்.

கர்நாடக மாநிலத்தில் உருவாகும் தென்பெண்ணை ஆறு கிருஷ்ணகிரி, தருமபுரி, திருவண்ணாமலை, விழுப்புரம் கடலூர் மாவட்டங்கள் வழியாகப் பாய்ந்து கடலில் கலக்கிறது. தென்பெண்ணை ஆற்றால் 5 மாவட்டங்களில் உள்ள ஆயிரக்கணக்கான ஏக்கர் நிலங்கள் பாசன வசதி பெறுகின்றன. கிருஷ்ணகிரி மாவட்டத்தில் மட்டும் சுமார் 81 கிலோ மீட்டர் தூரம் பாயும் தென்பெண்ணை ஆற்றின் குறுக்கே, ஓசூர் – கெலவரப்பள்ளி என்ற இடத்தில் 44 அடி உயரத்தில் ஒரு அணையும், கிருஷ்ணகிரி – முத்தூர் என்ற இடத்தில் 52 அடி உயரம் கொண்ட அணையும் கட்டப்பட்டுள்ளன. இந்நிலையில் சூளகிரி அடுத்த ஆலியாளம் பகுதியில் புதிதாக அணை கட்ட வேண்டும் என விவசாயிகள் கோரிக்கை விடுத்துள்ளனர்.