பிரபல பாப் பாடகர் மைக்கல் ஜாக்சனின் பிறந்த நாள் விழா இன்று அவரது ரசிகர்களால் கோலாகலமாகக் கொண்டாடப்பட்டு வருகிறது.
அமெரிக்காவில் சிகாகோ மாகாணத்தில் இண்டியானா நகரில் 1958 ஆம் ஆண்டு ஆகஸ்ட் 29 ஆம் நாள் பிறந்தவர் மைக்கல் ஜாக்சன். தனது 6 ஆம் வயதில் பாட ஆரம்பித்த அவர் உலகின் புகழ்பெற்ற அப்பல்லோ இசை அரங்கில் ஜாக்சன் – ஐந்து குழுவினருடன் இணைந்து பாடல்கள் பாடி அசத்தினார். இந்நிகழ்வு அவர் மக்களிடையே பிரபலமடைய காரணமாக அமைந்தது. 1984 ஆம் ஆண்டு இவர் வெளியிட்ட திரில்லர் என்ற பாடல் தொகுப்பு நடனம் மற்றும் இசை ரசிகர்கள் மத்தியில் பெரும் வரவேற்பைப் பெற்றது.
இசையில் அவர் படைத்த சாதனைகளுக்காக 13 கிராமி விருதுகளை பெற்றுள்ளதோடு கின்னஸ் சாதனை புத்தகத்திலும் இடம்பிடித்துள்ளார். மேலும், ப்ளாக் ஆர் ஒய்ட் – என்ற காணொலி ஒரே நேரத்தில் 27 நாடுகளில் ஒளிபரப்பாகி 50 கோடிக்கு மேலான பார்வையாளர்களைக் கவர்ந்தது குறிப்பிடத்தக்கது. இவரது பிறந்த நாளை இன்று இவரது ரசிகர்கள் கோலாகலமாகக் கொண்டாடி வருகின்றனர்.
Discussion about this post