சுதந்திர தினத்தை முன்னிட்டு அரசு அருங்காட்சியகத்தில் கண்காட்சி

73-வது சுதந்திர தினத்தை முன்னிட்டு சுதந்திர இந்தியாவும், மகாத்மாவும் என்ற தலைப்பில் திருச்சி அருங்காட்சியகத்தில் கண்காட்சி நடைபெற்றது.

திருச்சி மாவட்டத்திலுள்ள அரசு அருங்காட்சியகத்தில் மகாத்மா காந்தி அஞ்சல் தலை நாணையங்கள், பணத்தாள் கண்காட்சி நடத்தப்பட்டது. இதனை அருங்காட்சியக கூடுதல் பொறுப்பு காப்பாட்சியர் சிவக்குமார் திறந்து வைத்தார்.

இதில் மகாத்மா காந்தியின் பிறப்பு முதல் இறப்பு வரையிலான வாழ்க்கை வரலாற்றை எடுத்து கூறும் வகையில் பொது பயன்பாடு, நினைவார்த்த அஞ்சல் தலை, மினியேச்சர், செட் அ நெட், புகைப்பட அஞ்சல் அட்டை உட்பட இந்திய அஞ்சல் துறை வெளியிட்ட அஞ்சல் தலைகள், முதல் நாள் உறைகள், சிறப்பு உறைகள் நாணயங்கள் பணத்தாள்கள் காட்சிப்படுத்தப்பட்டன. இக்கண்காட்சியினை மாணவ, மாணவிகள் கண்டுகளித்தனர்