குடும்ப பிரச்சினையை தீர்க்க முடியாத ஸ்டாலின், நாட்டு மக்களின் பிரச்சினையை எவ்வாறு தீர்ப்பார் என்று தேமுதிக தலைவர் விஜயகாந்தின் மகன் விஜய பிரபாகரன் கேள்வி எழுப்பியுள்ளார்.
திருப்பரங்குன்றத்தை அடுத்த திருநகரில் விருதுநகர் தொகுதி தேமுதிக வேட்பாளர் அழகர்சாமியை ஆதரித்து விஜயகாந்தின் மகன் விஜய பிரபாகரன் வாக்கு சேகரிப்பில் ஈடுபட்டார்.தன்னுடைய குடும்ப பிரச்சினையை தீர்க்க முடியாத திமுக தலைவர் ஸ்டாலின் நாட்டு மக்களின் பிரச்சினையை எவ்வாறு தீர்க்கப் போகிறார் என்று அவர் கேள்வி எழுப்பினார். திமுக ஆட்சியில் ரவுடிகள் அட்டகாசம் அதிகமாக இருந்தது என்றும், அதிமுக ஆட்சியில் மக்கள் நிம்மதியாக இருப்பதாகவும் தெரிவித்தார்.நதிகள் இணைக்கப்படும் என்று பாஜக தேர்தல் அறிக்கையில் கூறப்பட்டுள்ளதை சுட்டிக் காட்டிய அவர், இதன்மூலம் நாடு முழுவதும் விவசாயிகளின் வாழ்வாதாரம் செழிக்கும் என்று குறிப்பிட்டார். இந்தியா முழுக்க மோடி அலை வீசுவதாகவும் விஜய பிரபாகரன் தெரிவித்தார்.
Discussion about this post