பாகிஸ்தானுக்கு எதிரான போட்டி: இங்கிலாந்து பந்துவீச்சு

உலக கோப்பை கிரிக்கெட் தொடரில், பாகிஸ்தானுக்கு எதிரான 6-வது லீக் போட்டியில் டாஸ் வென்ற இங்கிலாந்து பந்துவீச்சை தேர்வு செய்துள்ளது.

12-வது உலக கோப்பை கிரிக்கெட் தொடர் இங்கிலாந்தில் நடைபெற்று வருகிறது. இதன் 6-வது லீக் போட்டியில் இயான் மோர்கன் தலைமையிலான இங்கிலாந்து அணியும், சர்ஃப்ராஸ் அகமது தலைமையிலான பாகிஸ்தான் அணியும் மோதுகின்றன. வலுவான அணியாக கருதப்படும் இங்கிலாந்து, தனது முதல் போட்டியில் தென்னாப்பிரிக்காவை 104 ரன்கள் வித்தியாசத்தில் வீழ்த்தி அபார வெற்றி பெற்றது.

அதேபோல், பாகிஸ்தான் அணி தனது முதல் போட்டியில் 7 விக்கெட் வித்தியாசத்தில் மேற்கிந்திய தீவுகள் அணியிடம் தோல்வி கண்டது. இதனால், வெற்றி பயணத்தை தொடர இங்கிலாந்தும், முதல் வெற்றியை பதிவு செய்ய பாகிஸ்தானும் தீவிரம் காட்டி வருகின்றன. நாட்டிங்காமில் நடைபெறும் இப்போட்டியில் டாஸ் வென்ற இங்கிலாந்து பந்து வீச்சை தேர்வு செய்ததுள்ளது.

அதன்படி பேட்டிங்கை தொடங்கிய பாகிஸ்தான் அணியின் தொடக்க ஆட்டக்காரார் ஃபகர் ஸமான், மற்றும் இமாம் உல் ஹக் களம் இறங்கி விளையாடி வருகின்றனர்.