உலக கோப்பை 2019: இங்கிலாந்து-ஆப்கானிஸ்தான் அணிகள் இன்று மோதல்

உலக கோப்பை கிரிக்கெட் தொடரில் இன்று நடைபெறும் 24-வது லீக் ஆட்டத்தில் இங்கிலாந்து மற்றும் ஆப்கானிஸ்தான் அணிகள் மோதுகின்றன.

இங்கிலாந்தின் மான்செஸ்டர் மைதானத்தில் பிற்பகல் 3 மணிக்கு ஆட்டம் தொடங்குகிறது. மேற்கிந்திய இந்திய தீவுகளுக்கு எதிரான போட்டியின் போது ஏற்பட்ட காயம் காரணமாக, இங்கிலாந்து அணியின் ஜோசன் ராய் இந்த ஆட்டத்தில் விளையாடவில்லை. அவருக்கு பதிலாக ஆல் ரவுண்டர் மொயின் அலி களமிறக்கப்படுகிறார்.

ஆப்கானிஸ்தான் அணி இதுவரை விளையாடிய நான்கு போட்டிகளிலும் தோல்வியைச் சந்தித்து தரவரிசைப் பட்டியலில் கடைசி இடத்தில் உள்ளது. இங்கிலாந்து அணி 4 போட்டிகளில் விளையாடி, மூன்றில் வெற்றி பெற்றுள்ளது. ஏற்கனவே இவ்விரு அணிகளுக்கு இடையே நடைபெற்ற பயிற்சி ஆட்டத்தில் இங்கிலாந்து எளிதில் வெற்றி பெற்றுள்ளது.

இந்நிலையில் இன்று நடைபெறும் ஆட்டத்தில் ஆப்கானிஸ்தான் வெற்றி பெற்றால் பாகிஸ்தானை பின்னுக்கு தள்ளி 9-வது இடத்திற்கு முன்னேறும். அதே சமயம் இங்கிலாந்து வெற்றி பெற்றால் இந்தியாவை பின்னுக்கு தள்ளி 3-வது இடத்தைப் பிடிக்கும்.