இங்கிலாந்த் -இலங்கை அணி இன்று பலப்பரிட்சை…

உலக கோப்பை கிரிக்கெட் தொடரின் இன்றைய 27வது லீக் போட்டியில், இங்கிலாந்தும், இலங்கை அணியும் இன்று பலப்பரிட்சை நடத்துகின்றன.

இங்கிலாந்தில் நடைபெற்று வரும் 12வது உலக கோப்பை கிரிக்கெட் தொடரின் லீக் போட்டிகள் நடைபெற்று வருகின்றன. இதன் 27வது லீக் போட்டியில், இயான் மோர்கன் தலைமையிலான இங்கிலாந்து அணியும், கருணரத்னே தனலைமையிலான இலங்கை அணியும் மோதுகின்றன.

ஒரு நாள் கிரிக்கெட் போட்டி தரவரிசையில் முதலிடத்தில் இருக்கும் இங்கிலாந்து அணி நடப்பு உலக கோப்பையில் 5 போட்டிகளில் விளையாடி பாகிஸ்தானுடனான போட்டியில் மட்டும் தோல்வி கண்ட நிலையில், மற்ற 4 போட்டிகளிலும் வெற்றி பெற்று வலுவான அணியாக உள்ளது. அந்த அணியில், ஜேசன் ராய், இயான் மோர்கன், ஜோ ரூட் ஆகியோர் நல்ல ஃபார்மில் இருப்பதும், சொந்த மண்ணில் போட்டிகள் நடைபெறுவதும் இங்கிலாந்து அணிக்கு சாதமாக பார்க்கப்படுகிறது.

அதேபோல், நடப்பு தொடரில் 5 போட்டிகளில் விளையாடியுள்ள இலங்கை ஒரு வெற்றி 2 தோல்விகளை சந்தித்த நிலையில், 2 ஆட்டம் மழையால் தடைப்பட்டது. இதனால், மீண்டும் வெற்றி பாதைக்கு திரும்ப இலங்கை தீவிரம் காட்டி வருகிறது. லீட்ஸில் நடைபெறும் இப்போட்டி இன்று பிற்பகல் 3 மணிக்கு தொடங்குகிறது.