ஆஷஸ் தொடரின் டெஸ்ட் போட்டியில் இங்கிலாந்து அணி த்ரில் வெற்றி

ஆஷஸ் தொடரின் மூன்றாவது டெஸ்ட் போட்டியில் இங்கிலாந்து அணி த்ரில் வெற்றி பெற்றது.

ஆஸ்திரேலியா – இங்கிலாந்து அணிகளுக்கு இடையேயான மூன்றாவது டெஸ்ட் போட்டி, லீட்ஸ் மைதானத்தில் நடைபெற்றது. டாஸ் வென்ற இங்கிலாந்து அணி முதலில் பந்து வீச்சைத் தேர்வு செய்தது. இதனையடுத்து, ஆஸ்திரேலிய அணி முதல் இன்னிங்சில் 179 ரன்களுக்கு ஆல் அவுட் ஆனது. அதனை தொடர்ந்து களமிறங்கிய இங்கிலாந்து அணி முதல் இன்னிங்சில் அனைத்து விக்கெட்டுகளையும் இழந்து 67 ரன்களுக்கு சுருண்டது. 112 ரன்கள் முன்னிலையுடன் இரண்டாவது இன்னிங்சை ஆடிய ஆஸ்திரேலிய அணி 246 ரன்கள் எடுத்தது. 359 ரன்கள் எடுத்தால் வெற்றி எனக் களமிறங்கிய இங்கிலாந்து அணி இரண்டாவது இன்னிங்சில் அடுத்தடுத்து விக்கெட்டுகளை இழந்து தடுமாறியது. சிறப்பாக ஆடிய பென் ஸ்டோக்ஸ் சதம் அடித்து, தனி ஆளாக நின்று இங்கிலாந்து அணியை ஒரு விக்கெட் வித்தியாசத்தில் வெற்றி பெறச் செய்தார். 5 ஆட்டங்களை கொண்ட இந்த தொடரில் இரு அணிகளும் தலா ஒரு போட்டியில் வென்று சமன் செய்துள்ளன.