ஆந்திர மாநிலம் கிழக்கு கோதாவரியில் வீட்டில் தயாரிக்கப்பட்ட நாட்டு வெடிகுண்டு வெடித்து 8 பேர் காயமடைந்தனர். 2 பேர் தீவிர காயங்களுடன் மருத்துவமனையில் சேர்க்கப்பட்டுள்ளனர்.
கிழக்கு கோதாவரி மாவட்டத்தில் உள்ள ஸ்ரீகாகுளம் அருகே லட்சுமி தியேட்டர் காலனியில் உள்ள ஒரு வீட்டில் திடீரென வெடிச்சத்தம் கேட்டதையடுத்து அக்கம்பக்கத்தினர் அங்கு சென்று பார்த்தனர். வீட்டிலேயே தயாரிக்கப்பட்ட நாட்டு வெடிகுண்டு வெடித்து, வீடு இடிந்தது தெரிய வந்தது. இதையடுத்து காயங்களுடன் இருந்த 8 பேர் மீட்கப்பட்டு மருத்துவமனைக்கு அனுப்பி வைக்கப்பட்டனர். இதில் இருவரது நிலை கவலைக்கிடமாக உள்ளதாக மருத்துவர்கள் தெரிவித்தனர்.
தகவல் அறிந்து சம்பவ இடத்திற்கு வந்த போலீசார், வீட்டின் உரிமையாளர் மீது வழக்குப்பதிவு செய்து விசாரணை மேற்கொண்டுள்ளனர். காட்டுப் பன்றிகளை வேட்டையாட வீட்டிலேயே தயாரித்த நாட்டு வெடிகுண்டு வெடித்தது முதல்கட்ட விசாரணையில் தெரியவந்துள்ளது.
Discussion about this post