சென்னை கிரீம்ஸ் சாலையில் முதியவர் ஒருவரை திமுக பிரமுகர் தனது குடும்பத்தினருடன் சேர்ந்து கொலைவெறியுடன் தாக்குதல் நடத்திய வீடியோ சமூக வலைதளங்களில் வேகமாக பரவி வருகிறது.
கிரீம்ஸ் சாலை சுகந்திரா நகர் பகுதியில் திமுக பிரமுகர் மாணிக்கம் சாலையில் தனது காரை நிறுத்தியுள்ளார். அப்போது அவ்வழியாக பைக்கில் வந்த முதியவர் ஒருவர், காரை கடக்க முயன்றபோது, அவரது வாகனம் லேசாக உரசியது. இதனால் ஆத்திரம் அடைந்த மாணிக்கத்தின் பெற்றோர் மற்றும் சகோதரர் அந்த முதியவரை மரப்பலகை மற்றும் இரும்புக்கம்பி உள்ளிட்டவற்றை கொண்டு கடுமையாக தாக்கியுள்ளனர்.
இதுகுறித்து அப்பகுதியினர் தட்டி கேட்டபோது, அநாகரீகமான முறையில் தகாத வார்த்தைகளால் அவர்கள் ஏசினர். மாணிக்கத்தின் மனைவி செல்வி, உள்ளாட்சி தேர்தலின் போது ஆயிரம் விளக்கு பகுதியின் திமுக வேட்பாளராக நிறுத்தப்பட்டவர் என்பது குறிப்பிடத்தக்கது.
Discussion about this post