23 ஆண்டுகளுக்கு முன்பு காணாமல் போன மீனவர், இலங்கையில் மனநலம் பாதிக்கப்பட்டு சுற்றிதிரிவதாக, ராமநாதபுரம் மாவட்ட ஆட்சியரிடம் அவரது குடும்பத்தினர் மனு அளித்தனர்.
1996 ஆம் ஆண்டு மே மாதம் 5 ஆம் தேதி, விசைப்படகில் மீன்பிடிக்க சென்ற, தங்கச்சிமடத்தைச் சேர்ந்த பரதன் மறுநாள் கரை திரும்பவில்லை எனத்தெரிகிறது. இதையடுத்து பரதனின் உறவினர்கள் கொடுத்த புகாரின்பேரில், மீன்வளத்துறையினர் பரதனை தேடிப்பார்த்துவிட்டு, மாயமாகியதாக அறிவித்தனர்.
இதனிடையே கடந்த ஏப்ரல் 9ம் தேதி யாழ்ப்பாணத்தில் இருந்து வெளிவரக்கூடிய யூடியூப் சேனல் ஒன்றில் கொழும்பு கோட்டை ரயில் நிலையத்தில் பரதன் பிச்சை எடுப்பதுபோன்று வீடியோ வெளியானது. இதனை கண்ட ராமேஸ்வரத்தை சேர்ந்த ஆட்டோ ஓட்டுநர் ராஜேஷ், அதில் தனது பெரியப்பா பரதனின் படம் இருப்பதை கண்டுபிடித்தார்.
இதையடுத்து உறவினர்கள் அனைவரும் ஒன்று கூடி படத்தில் காட்டப்பட்டது பரதன் தான் என்பதை உறுதி செய்தனர். இதைத்தொடர்ந்து காணாமல் போன பரதனை மீட்டுத்தரக்கோரி ராமநாதபுரம் மாவட்ட ஆட்சியரிடம் அவரது உறவினர்கள் மனு அளித்தனர்.
Discussion about this post