தேனி மாவட்ட மறுவாக்குப்பதிவு வாக்குச்சாவடிகளின் விவரம்

தேனி மாவட்டத்தில் மறுவாக்குப்பதிவு நடைபெறும் இரண்டு வாக்குச் சாவடிகளைப் பற்றிய விவரங்களை தற்போது காணலாம்…

பெரியகுளம் சட்டமன்றத் தொகுதியில் மறுவாக்குப் பதிவு நடைபெறும் வடுகப்பட்டி சங்கர நாராயணன் நடுநிலைப்பள்ளியின் வாக்குச் சாவடி எண் 197 ஆகும். இதில் மொத்தம் 1405 வாக்காளர்கள் உள்ளனர். இவர்களில் ஆண் வாக்காளர்கள் 702 பேரும் பெண் வாக்காளர்கள் 703 பேரும் அடங்குவர். ஏப்ரல் 18 ஆம் தேதி நடைபெற்ற தேர்தலில் 904 வாக்குகள் பதிவாகின. இதில் ஆண்கள் 450 பேரும் பெண்கள் 454 பேரும் வாக்களித்தனர்.

மறுவாக்குபதிவு நடைபெறும் ஆண்டிபட்டி சட்டமன்ற தொகுதியின் பாலசமுத்திரம் கம்மாவர் சரஸ்வதி நடுநிலைப்பள்ளியின் வாக்குச்சாவடி எண் 67 என்று குறிப்பிடப்பட்டுள்ளது. இந்த வாக்குச்சாவடியில் மொத்தம் 1255 வாக்காளர்கள் உள்ளனர். இவர்களில் ஆண் வாக்காளர்கள் 644 பேரும் பெண் வாக்காளர்கள் 611 பேரும் அடங்குவர். ஏப்ரல் 18 ஆம் தேதி நடைபெற்ற வாக்குபதிவில் 523 ஆண் வாக்காளர்களும் 500 பெண் வாக்காளர்களும் தங்கள் வாக்குகளை பதிவு செய்திருந்தனர் என்பது குறிப்பிடத்தக்கது.