வடமாநிலங்களில் பெய்து வரும் புயல் மழைக்கு பலியானோர் எண்ணிக்கை 53 ஆக உயர்ந்துள்ளது.
வடமாநிலங்களில் தற்போது புயல் மற்றும் கனமழை பெய்து வருகிறது. இதையடுத்து, ராஜஸ்தான், குஜராத், மத்தியப்பிரதேசம் மற்றும் மகாராஷ்டிரா மாநிலங்களில் கனமழையில் சிக்கி பலர் உயிரிழந்தனர். ராஜஸ்தானின் பல்வேறு பகுதிகளில் பெய்த கனமழையால் பல இடங்களில் சாலைகள், மரங்கள், மின்கம்பங்கள் சேதமடைந்தன.
இந்த புயலின் காரணமாக ராஜஸ்தானில் அதிகபட்சமாக 25 பேரும், மத்தியப் பிரதேசத்தில் 15 பேரும், குஜராத்தில் 10 பேரும் பலியாகினர். மகாராஷ்டிராவில் 3 பேர் உயிரிழந்ததுள்ளதாக அதிகாரிகள் தெரிவித்தனர். இதனால் பலி எண்ணிக்கை 53 ஆக அதிகரித்துள்ளது.
இதற்கிடையே புயல் மழையால் உயிரிழந்தவர்களின் குடும்பத்தினருக்கு பிரதமர் மோடி இரங்கல் தெரிவித்ததுடன் இறந்தவர்களின் குடும்பங்களுக்கு தலா 2 லட்சம் ரூபாய் வழங்க உத்தரவிட்டுள்ளார்.
Discussion about this post