கொரோனா பீதி எதிரொலி- ரயில் பயணிகளுக்கு போர்வைகள் கிடையாது!

கொரோனா வைரஸ் அச்சுறுத்தல் காரணமாக ரயில்களில் ஏசி பெட்டிகளில் பயணம் செய்வோருக்கு போர்வை வழங்கப்படாது எனவும், பயணிகள் போர்வை எடுத்து வர வேண்டும் என்றும் ரயில்வே நிர்வாகம் அறிவுறுத்தியுள்ளது. கொரோனா வைரஸ் பரவுவதை தடுக்கும் விதமாக, நாடு முழுவதும் பல்வேறு முன்னெச்சரிக்கை நடவடிக்கைகள் மேற்கொள்ளப்பட்டு வருகின்றன. இதன் ஒருபகுதியாக ரயில்களில் ஏசி பெட்டிகளில் பயணம் செய்வோருக்கு போர்வை வழங்கப்படாது எனவும், திரைச்சீலைகள் அகற்றப்படும் என்றும் ரயில்வே நிர்வாகம் அறிவித்துள்ளது. தேவையென்றால், ஏசி பெட்டிகளில் பயணிப்போர் வீட்டில் இருந்து போர்வை எடுத்து வர வேண்டும் எனவும், அடுத்த உத்தரவு பிறப்பிக்கப்படும் வரை இது நடைமுறையில் இருக்கும் எனவும் ரயில்வே நிர்வாகம் தெரிவித்துள்ளது.