சென்னையில் தனியார் கல்லூரியின் மாணவர்களுக்கிடையே ஏற்பட்ட மோதலில், அரிவாளால் வெட்டிவிட்டு தப்பியோடிய மாணவர்களை காவல்துறையினர் தேடி வருகின்றனர். சென்னை அரும்பாக்கத்தில் செயல்பட்டு வரும் கல்லூரியின் இரு பிரிவு மாணவர்களுக்கு இடையே மோதல் ஏற்பட்டது. இதையடுத்து ஒரு தரப்பு மாணவர்கள், பட்டா கத்திகளோடு எதிர் தரப்பு மாணவர்களை துரத்திச் சென்று வெட்டினர். மாநகர பேருந்தில் சென்ற மாணவர்களையும், பேருந்தில் இருந்து இறக்கி, ஓட ஓட துரத்திச் சென்று கத்தியால் வெட்டியதால் அப்பகுதியில் பரபரப்பு ஏற்பட்டது.
இதில் 7 மாணவர்களுக்கு பலத்தக் காயம் ஏற்பட்டது. அவர்கள் மருத்துவமனையில் சிகிச்சை பெற்று வருகின்றனர். பட்டப்பகலில் ரவுடிகளை போன்று கல்லூரி மாணவர்கள் தாக்கி கொண்டதை பார்த்த பொது மக்கள் அதிர்ச்சி அடைந்தனர். தகவலறிந்து வந்த காவல்துறையினர் இந்த சம்பவத்தில் ஈடுபட்ட மாணவர்கள் மீது வழக்குப்பதிவு செய்து தீவிரமாக தேடி வருகின்றனர்.
தகராறில் ஈடுபடும் மாணவர்கள் மீது தமிழக அரசு உரிய நடவடிக்கை எடுத்து வரும் நிலையில், சம்பவத்தில் ஈடுபட்ட மாணவர்கள் மீது கல்லூரி நிர்வாகமும் தமிழக அரசும் கடும் நடவடிக்கை எடுக்கவேண்டும் என சமூக ஆர்வலர்கள் கேட்டுக்கொண்டுள்ளனர்.
Discussion about this post