வாகன தணிக்கை குறித்து காவல் ஆணையர் மகேஷ்குமார் ஆய்வு

சென்னையில் தளர்வில்லா முழு ஊரடங்குக்கு மக்கள் ஒத்துழைப்பு அளித்து வருவதாக, சென்னை மாநகர காவல் ஆணையர் மகேஷ்குமார் அகர்வால் தெரிவித்துள்ளார். தமிழகம் முழுவதும் இன்று தளர்வு இல்லாத முழு ஊரடங்கு கடைபிடிக்கப்படும் நிலையில், சென்னையில் எம்ஜிஆர் மத்திய ரயில் நிலையம் பகுதியில் வாகன தணிக்கை பணிகளை, மாநகர காவல் ஆணையர் மகேஷ்குமார் அகர்வால் பார்வையிட்டார். பின்னர் செய்தியாளர்களிடம் பேசிய அவர், சென்னையில் தற்போது வரை ஊரடங்கு விதிகளை மீறியதாக ஒரு லட்சத்து 18 ஆயிரம் வழக்குகள் பதிவு செய்யப்பட்டுள்ளதாக கூறினார். மாஞ்சா நூல் விற்பனையை தடுக்க பல்வேறு நடவடிக்கைகள் எடுக்கப்பட்டுள்ளது எனவும், காவல் ஆணையர் மகேஷ்குமார் அகர்வால் கூறினார்.