கர்நாடகாவில் கூட்டணி ஆட்சி கவிழ்வதற்கு வாய்ப்பில்லை

கர்நாடகாவில் காங்கிரஸ், மதசார்பற்ற ஜனதா தள கூட்டணி ஆட்சி, கவிழ்வதற்கு வாய்ப்பில்லை என்று அம்மாநில முதலமைச்சர் குமாரசாமி தெரிவித்துள்ளார்.

கர்நாடகாவில் காங்கிரஸ் மற்றும் மதசார்பற்ற ஜனதா தள கூட்டணி ஆட்சி நடைபெறுகிறது. அமைச்சரவையில் இடம் கிடைக்காததால் இரு கட்சிகளை சேர்ந்த எம்எல்ஏ-க்கள் சிலர் அதிருப்தியில் இருப்பதாகவும் அவர்கள் பா.ஜ.கவில் இணையபோவதாகவும் கூறப்படுகிறது. இதனால் குமாராசாமியின் ஆட்சிக்கு பாதிப்பு ஏற்படும் என தகவல்கள் வெளியாகியுள்ளன. எம்எல்ஏ-க்களை இழுக்க குதிரைப்பேரம் நடப்பதாக பாஜக மற்றும் மதசார்பற்ற ஜனதா தளம், மாறிமாறி குற்றம் சாட்டி வருகின்றன. இந்தநிலையில், ஆட்சி கவிழ்வதற்கு வாய்ப்பு இல்லை என்று முதலமைச்சர் குமாரசாமி தெரிவித்துள்ளார்.