உலக சுற்றுலா தினவிழாவை ஒட்டி, தஞ்சை பெரிய கோயிலில் பொதுமக்களுக்கு சுற்றுலா பற்றிய விழிப்புணர்வு ஏற்படுத்தும் வகையில், தூய்மைப்படுத்தும் நிகழ்ச்சி நடத்தப்பட்டது.
தஞ்சையில் சுற்றுலா வளர்ச்சி குழுமம் மற்றும் தனியார் அமைப்பின் சார்பில், இன்று முதல் வரும் 28-ம் தேதி வரை, உலகச் சுற்றுலா தின நிகழ்ச்சிகள் நடத்த முடிவு செய்யப்பட்டுள்ளது. சுற்றுலாத் தலங்களை தூய்மையாக வைத்துக்கொள்ள வேண்டும் என்பது குறித்து மக்களிடம் விழிப்புணர்வை ஏற்படுத்தும் வகையில், தஞ்சை பெரிய கோயிலில் தூய்மைப் பணிகள் நடைபெற்றது.
இதில் தன்னார்வலர்கள், மாநகராட்சித் தூய்மைப் பணியாளர்கள் கலந்துகொண்டு குப்பைகளை அகற்றினர். இதனை மாநகராட்சி ஆணையர் ஜானகி ரவீந்திரன் பார்வையிட்டு ஆய்வு செய்தார்.