ஈரோட்டில் முதலமைச்சர் இன்று பிரசாரம்!

ஈரோடு மாவட்டத்தில், முதலமைச்சர் எடப்பாடி பழனிசாமி இன்று தேர்தல் பிரசார சுற்றுப்பயணம் மேற்கொள்கிறார்.

ஈரோடு மாவட்டம் பவானியில் பிரசாரத்தை தொடங்கும் முதலமைச்சர் எடப்பாடி பழனிசாமி, காலை 9 மணிக்கு நடைபெறவுள்ள பொதுக்கூட்டத்தில் உரையாற்றுகிறார். பின்னர், 10 மணிக்கு கே.எம்.பி மஹாலில் சிறு, குறு தொழில் முனைவோருடன் கலந்துரையாடுகிறார். முற்பகல் 11 மணிக்கு அந்தியூரில் பொதுக்கூட்டத்திலும், நண்பகல் 12 மணிக்கு வாரி மஹாலில் வெற்றிலை கொடி விவசாயிகளுடன் கலந்துரையாடல் நிகழ்ச்சியிலும் முதலமைச்சர் பங்கேற்கிறார். பிற்பகல் 1 மணி முதல் 4 மணி வரை அத்தாணி, கள்ளிப்பட்டி, நால்ரோடு, சத்தியமங்கலத்தில் வரவேற்பு நிகழ்ச்சியில் முதலமைச்சர் கலந்து கொள்கிறார். மாலை 4.45 மணிக்கு நல்லூரில் உள்ளூர் பிரமுகர்களுடன் கலந்துரையாடுகிறார். மாலை 5.30 மணிக்கு பு.புளியம்பட்டியில் வரவேற்பு நிகழ்ச்சியிலும், மாலை 6.30 மணியளவில் உள்ளூர் பிரமுகர்களுடனான கலந்துரையாடல் நிகழ்ச்சியிலும் பங்கேற்கிறார். இரவு 7 மணிக்கு நம்பியூரில் வரவேற்பு நிகழ்ச்சி மற்றும் இரவு 9 மணிக்கு கோபிச்செட்டிபாளையத்தில் பொதுக்கூட்டத்திலும் பங்கேற்று முதலமைச்சர் பிரசாரம் செய்யவுள்ளார்.