அகில இந்திய ஹாக்கி போட்டியில், சென்னை, மும்பை, புவனேஷ்வர் அணிகள் வெற்றி

கோவில்பட்டியில் நடைபெற்று வரும் அகில இந்திய ஹாக்கி போட்டியில், சென்னை, மும்பை, புவனேஷ்வர் அணிகள் வெற்றி பெற்றன.

தூத்துக்குடி மாவட்டம் கோவில்பட்டி, கே.ஆர்.மருத்துவம் மற்றும் கல்வி அறக்கட்டளையின் சார்பில், அகில இந்திய ஹாக்கிப் போட்டிகள் நடத்தப்பட்டு வருகின்றன. இதில், இந்தியா முழுவதிலும் இருந்து 16 அணிகள் கலந்து கொண்டுள்ளன. சென்னை சாய் அணியை மும்பை ஆல் இந்தியா கஸ்டம்ஸ் அணி 4க்கு 1 என்ற கோல் கணக்கில் வீழ்த்தியது. சண்டிகர் சிஐஎஸ்எப் அணியை எதிர்கொண்ட சென்னை தமிழ்நாடு போலீஸ் அணி, 2க்கு 1 என்ற கோல் கணக்கில் வெற்றி பெற்றது. மற்றோரு போட்டியில் பெங்களுர் கனரா வங்கி அணியை எதிர்கொண்ட புவனேஷ்வர் ஈஸ்ட் கோஸ்ட் இரயில்வே அணி 3க்கு 1 என்ற கோல் கணக்கில் வெற்றி பெற்றது.