பொறியியலில் சேர விண்ணப்பித்தவர்களுக்கு சான்றிதழ் சரிபார்ப்பு

ஈரோட்டில் பொறியியலில் சேர விண்ணப்பித்தவர்களுக்கான சான்றிதழ் சரிபார்ப்பு நிகழ்வில் ஏராளமானோர் பங்கேற்றனர்.

சில ஆண்டுகளுக்கு முன்பு, பொறியியல் கல்வி படிக்க விரும்பும் மாணவ, மாணவியர்களுக்கான கலந்தாய்வு சென்னையில் மட்டுமே நடைபெற்று வந்தது. இந்தநிலையில் கடந்த 2 ஆண்டுகளாக, பொறியியல் கல்வியில் சேர மாணவ, மாணவியர்களுக்கான கலந்தாய்வு, மாவட்டத்தில் உள்ள ஏதேனும் கல்லூரிகளில் நடத்தப்படுகிறது. அதன்படி இந்தாண்டு பொறியியல் கவுன்சிலிங்கின் ஒரு பகுதியாக சான்றிதழ் சரிபார்ப்பு அனைத்து மாவட்டங்களிலும் உள்ள தேர்ந்தெடுக்கப்பட்ட கல்லூரிகளில் வரும் 12ஆம் தேதி வரை நடைபெறுகிறது. அதன் ஒருபகுதியாக, ஈரோடு மாவட்டம், ஆப்பக்கூடலில் உள்ள ஓர் தனியார் கல்லூரியில் பொறியியலில் சேர விண்ணப்பித்த மாணவ, மாணவியர்களுக்கான சான்றிதழ் சரிபார்ப்பு நிகழ்ச்சி நடைபெற்று வருகிறது. இதில் மாணவ, மாணவிகள் ஆர்வமுடன் பங்கேற்றனர்.