கடலூர் மாவட்டம் விருத்தாசலம் அருகே பொதுமக்கள் மற்றும் போலீசாரின் தீவிர முயற்சியால், குறைந்த காலத்தில் 28 கிராமங்களில் 81 சிசிடிவி கேமராக்கள் பொருத்தப்பட்டுள்ளன.
விருத்தாசலம் அருகே மங்களம்பேட்டை காவல்நிலைய எல்லைக்குள் 36 கிராமங்களில், குற்ற சம்பவங்களை தடுக்கும் வகையில் பொதுமக்கள் உதவியுடன் போலீசார் பல்வேறு நடவடிக்கைகளை எடுத்து வருகின்றனர்.
இந்த நிலையில், கடலூர் மாவட்ட காவல் கண்காணிப்பாளர் சரவணன் உத்தரவின்பேரில், சிசிடிவி கேமராக்கள் மாவட்டத்தின் பல்வேறு இடங்களில் பொருத்தப்பட்டு வருகின்றன. இதன் ஒருபகுதியாக மங்களம்பேட்டை காவல் எல்லைக்கு உட்பட்ட 28 கிராமங்களில் 81 சிசிடிவி கேமராக்கள் பொருத்தப்பட்டுள்ளன.
பள்ளிப்பட்டு கிராமத்தில் பொருத்தப்பட்ட சிசிடிவி கேமராவை காவல் ஆய்வாளர் ரவிச்சந்திரன் திறந்து வைத்தார். மீதமுள்ள 8 கிராமங்களில் விரைவில் சிசிடிவி கேமராக்கள் பொருத்தப்படும் என்று அதிகாரிகள் தெரிவித்தனர்.
Discussion about this post