தமிழகத்திற்கு காவிரி நீர் கிடைக்காமல் போனதற்கு காரணம் திமுக

தமிழகத்திற்கு காவிரி நீர் கிடைக்காமல் போனத்திற்கு கடந்த கால தி.மு.க.வின் ஆட்சியே காரணம் என தருமபுரி நாடாளுமன்ற பா.ம.க வேட்பாளர் அன்புமணி ராமதாஸ் குற்றம்சாட்டியுள்ளார். சேலம் மாவட்டம் மேட்டூரில் அ.தி.மு.க கூட்டணி கட்சிகளின் வேட்பாளர் அறிமுக நிகழ்ச்சி நடைபெற்றது. இந்த நிகழ்ச்சியில் பேசிய அன்புமணி ராமதாஸ், தி.மு.க தலைவர் ஸ்டாலின் குழந்தையையும் கிள்ளிவிட்டு தொட்டிலையும் ஆட்டுவார் என்றும் தி.மு.க ஆட்சியில் தான் நீட் தேர்வு, மீத்தேன் வாயு திட்டம், ஸ்டெர்லைட் ஆலையை திறக்க ஒப்பந்தம் உள்ளிட்டவைகள் கொண்டு வரப் பட்டது என்றும் குற்றம் சாட்டினார்.

ஆனால் அவைகளை எதிர்த்து போராடுவதாக ஸ்டாலின் தெரிவித்து வருகிறார் என கூறிய அன்புமணி, தமிழகத்திற்கு காவிரி நீர் கிடைக்காமல் போனதிற்கு கடந்த கால தி.மு.க.வின் ஆட்சியே காரணம் என்றார்.